Ümumdünya Ticarət Təşkilatının (ÜTT) Nazirlər Konfransı Rusiyanın bu təşkilata daxil olması barədə qərar qəbul etmişdir. Rusiya Prezidenti Dmitri Medvedev bu qərara görə konfransın üzvlərinə təşəkkürünü bildirmişdir.
Trend-in "RİA Novosti"yə istinadən yaydığı məlumata görə, bu barədə cümə günü Kremlin saytı informasiya yaymışdır.
Dmitri Medvedevin ÜTY-yə ünvanladığı teleqramda deyilir: "ÜTT-nin 8-ci Nazirlər Konfransı çərçivəsində Rusiyanın bu təşkilata qoşulması barədə qərar qəbul edilmişdir. Bu uzun və mürəkkəb danışıqların nəticəsi həm Rusiya, həm də bizim gələcək tərəfdaşlarımız üçün səmərəlidir. Danışıqların bütün iştirakçılarına vacib nəticəyə nail olunmasına görə təşəkkür edirəm".
Rusiya 1993-cü ildən ÜTT-yə üzv olmağa çalışırdı.