"Xəzər dənizinin Su Bioresursları Komissiyasının Bakıda keçirilən 32-ci iclasında Xəzər dənizində nərə cinsli balıqların ovlanılması üçün kvota müəyyən olunmamışdır. Komissiyanın səlahiyyətləri daxilində Xəzər dənizində nərəcinsli balıqların sənaye ovuna qadağa qoyulmuşdur. Bu barədə APA-ya açıqlamasında Xəzərin su bioresursları komissiyasının daimi üzvü Tariyel Məmmədli bildirmişdir.
T.Məmmədlinin sözlərinə görə, Xəzər dənizində nərə cinsli balıqların ovlanılması ilə bağlı qadağanın nəzərdə tutulduğu saziş layihəsinin işlənilməsi davam etdiriləcək: "Saziş layihəsi 3 aydan sonra Sank-Peterburqda işçi qrupu tərəfindən işləniləcək. Bundan sonra sənəd növbədənkənar iclasa çıxarılacaq".
Moratoriumun qüvvədə olacağı müddət sazişdə əksini tapacaq.