Dekabrın 15-də Moskvada Rusiyanın "Qazprom" şirkəti idarə heyətinin rəhbəri Aleksey Miller ilə Azərbaycan Respublikası Dövlət Neft Şirkətinin prezidenti Rövnəq Abdullayev arasında görüş keçirilmişdir.
AzərTAc "Qazprom"un saytına istinadla xəbər verir ki, görüşdə şirkətin Azərbaycandan aldığı təbii qazın həcmini 1,5 dəfə artırmaq barədə razılıq əldə edilmişdir. A.Miller və R.Abdullayev şirkətlərin qarşılıqlı faydalı əməkdaşlığının iki ölkə arasında strateji əlaqələrin möhkəmləndirilməsinə töhfə verəcəyinə əminliklərini bildirmişlər.
Vurğulanmışdır ki, "Qazprom" şirkəti gələn il Azərbaycandan 3 milyard kubmetr qaz almağı planlaşdırır. Bu il "Qazprom" ölkəmizdən 2 milyard kubmetr təbii qaz almışdır.