Azərbaycanın müdafiə naziri, general-polkovnik Səfər Əbiyev Qazaxıstan Respublikasına işgüzar səfər etmişdir. Müdafiə Nazirliyinin mətbuat xidmətindən APA-ya verilən məlumata görə, Qazaxıstan Müdafiə Nazirliyində Səfər Əbiyevin təntənəli qarşılanma mərasimi olmuş, hər iki ölkənin dövlət himnləri səsləndirilmişdir.
Daha sonra Səfər Əbiyev və Qazaxıstanın müdafiə naziri Adilbek Caksibekov arasında əvvəl təkbətək, sonra geniş tərkibli görüş keçirilmişdir. Görüşdə Qazaxıstanla Azərbaycan arasında hərbi əməkdaşlıq məsələləri, regionda vəziyyət barədə fikir mübadiləsi aparılmışdır. Görüşün sonunda nazirlər Azərbaycanla Qazaxıstan arasında 2012-ci il üçün hərbi əməkdaşlıq planını imzalamışlar.