Ermənistan işğal etdiyi Azərbaycan ərazilərindən narkotik vasitələrin hazırlanması və dövriyyəsi məqsədi ilə istifadə edir.
Bu sözləri Dövlət Sərhəd Xidmətinin rəisi, general-leytenant Elçin Quliyev Bakıda "Sərhəd təhlükəsizliyi və narkotik vasitələrin yayılmasına qarşı mübarizə" mövzusunda keçirilən beynəlxalq seminarda çıxışında demişdir.
E.Quliyev bildirmişdir ki, dövlət sərhədinin Ermənistan tərəfindən işğal olunan ərazisinə Azərbaycan nəzarət etmir və bununla da həmin ərazilərdə narkotik vasitələrin hazırlanması və dövriyyəsinə əlverişli şərait yaranır. Vəziyyətin belə davam etməsi daha ciddi fəsadların baş verməsinə səbəb ola bilər.