Noyabrın 21-də Azərbaycanın xarici işlər naziri Elmar Məmmədyarov Rumıniyanın ölkəmizdə yeni təyin olunmuş səfiri Daniel Kristian Çobanu ilə görüşmüşdür.
Xarici İşlər Nazirliyinin mətbuat xidmətindən bildirmişlər ki, etimadnaməsinin surətini nazirə təqdim edən diplomat ölkəmizdə səfir təyin olunmasından məmnunluğunu ifadə etmişdir.
Ölkələrimiz arasında bir sıra istiqamətlərdə, xüsusilə iqtisadi, ticarət və enerji sahələrində əməkdaşlığın inkişafı üçün geniş potensialın olduğunu vurğulayan səfir Azərbaycan-Rumıniya əlaqələrinin daha da genişləndirilməsi üçün səylər göstərəcəyini demişdir.
E.Məmmədyarov Azərbaycanda səfir təyin olunması münasibətilə rumıniyalı diplomatı təbrik etmiş və işlərində müvəffəqiyyətlər arzulamışdır.
Görüşdə, həmçinin qarşılıqlı maraq doğuran bir sıra məsələlər müzakirə edilmişdir.

AzərTAc