Noyabrın 21-dən Azərbaycan Respublikasının Mərkəzi Seçki Komissiyası bəzi bələdiyyələrə keçiriləcək təkrar, əlavə və yeni seçkilərlə bağlı seçki bülletenlərinin və səsvermənin nəticələrinə dair seçki komissiyaları protokollarının dairə seçki komissiyalarına təqdim etməyə başlamışdır. 
Mərkəzi Seçki Komissiyasının mətbuat xidmətindən bildirmişlər ki, MSK oktyabrın 14-də keçirilmiş iclasında səsvermə protokollarının, oktyabrın 25-də keçirilmiş iclasında isə bülletenlərin sayı və hazırlanma qaydası barədə qərarlar qəbul etmişdir. Protokollar seçki keçiriləcək dairə və məntəqələrin sayına uyğun olaraq, bülletenlər isə oktyabrın 25-nə olan məlumata görə seçkilər keçiriləcək bələdiyyələr üzrə qeydə alınmış seçicilərin ümumi sayından üç faiz artıq, yəni cəmi 1 191 541 ədəd olmaqla Azərbaycan Respublikası Milli Məclisinin mətbəəsində çap edilmişdir.
Noyabrın 30-da 330 bələdiyyə üzrə 464 bələdiyyə üzvünün seçilməsi nəzərdə tutulmuşdur.

AzərTAc