Azərbaycan Dövlət Gömrük Komitəsinin (DGK) sədri Aydın Əliyev Macarıstan Maliyyə Nazirliyinin gömrük və maliyyə qvardiyası üzrə vitse-prezidenti Mixali Arnold ilə görüşmüşdür.
A.Əliyev Azərbaycan ilə Macarıstanın gömrük xidmətləri arasında qarşılıqlı münasibətləri yüksək qiymətləndirmiş, perspektivlərdən bəhs etmiş, qarşılıqlı fəaliyyət və təcrübə mübadiləsinin əhəmiyyətini önə çəkmişdir. Komitə sədri Azərbaycan gömrük xidmətinin keçdiyi inkişaf yoluna qısa nəzər salmışdır.
Səmimi qəbula görə təşəkkürünü bildirən M.Arnold iki ölkə arasında gömrük sahəsində əməkdaşlığın daha da inkişaf etdirilməsinin vacibliyini vurğulamışdır.
Görüşdə qarşılıqlı maraq doğuran bəzi məsələlər ətrafında geniş fikir mübadiləsi aparılmışdır.

AzərTAc