Azərbaycan Dövlət Gömrük Komitəsinin (DGK) sədri Aydın Əliyev Dünya Gömrük Təşkilatının (DGT) ekspertləri - xanım Bistra Teodosieva və Aleksey Şeqlov ilə görüşmüşdür.  
A.Əliyev müstəqil Azərbaycanın gömrük sisteminin beynəlxalq təşkilatlarla, xüsusilə DGT təşkilatı ilə əməkaşlığının hazırkı vəziyyətindən razılıqla söhbət açmışdır. Azərbaycan gömrük xidmətinin inkişafından danışan komitə sədri onun təkmil bir struktura çevrildiyini diqqətə çatdırmışdır.
Səmimi qəbula və göstərilən yüksək qonaqpərvərliyə görə təşəkkür edən ekspertlər Azərbaycanda əsl iqtisadi tərəqqinin şahidi olduqlarını bildirmişlər. Təmsil etdikləri təşkilatda Azərbaycan gömrük xidmətinin fəal rolunu yüksək qiymətləndirmişlər.
Görüşdən sonra qonaqlar DGK-dəki Əməliyyat Mərkəzi ilə tanış olmuşlar.