Noyabrın 17-də Məzahir Pənahovun sədrliyi ilə Mərkəzi Seçki Komissiyasının (MSK) iclası keçirilmişdir.
MSK-nın mətbuat xidmətindən bildirmişlər ki, iclasda əvvəlcə Komissiyanın 2011-ci il 25 oktyabr tarixli iclasının protokolu təsdiq edilmişdir.
Sonra MSK-nın katibi Arifə Muxtarova Komissiyanın reqlamentinə dair məsələ barədə məlumat vermişdir. Qərara alınmışdır ki, Komissiyanın reqlamenti yeni redaksiyada təsdiq edilsin və 2003-cü il iyunun 21-də təsdiqlənmiş reqlament qüvvədən düşsün.
İclasda məntəqə seçki komissiyalarının fəaliyyətində "Seçki günü üçün yaddaş"ın tətbiqinə dair İzah da təsdiq edilmişdir.
MSK 61 saylı Neftçala və 67 saylı Cəlilabad şəhər seçki dairələri dairə seçki komissiyalarının tərkibində dəyişikliklər etmişdir. MSK-nın iclasında cari məsələlərə də baxılmışdır.
İclasda kütləvi informasiya vasitələrinin nümayəndələri iştirak etmişlər.

AzərTAc