Azərbaycan Respublikası Milli Məclisinin Avropa Şurası Parlament Assambleyasındakı daimi nümayəndə heyətinin üzvləri Rafael Hüseynov və Elxan Süleymanov AŞPA-nın monitorinq, hüquqi işlər və insan haqları komitələrinin iclaslarında iştirak etmək üçün noyabrın 15-də Parisə getmişlər.  
Milli Məclisin mətbuat xidmətindən bildirmişlər ki, iclaslarda İnsan Haqları Konvensiyasının həyata keçirilməsinin cari vəziyyəti, məişət zorakılığı qurbanlarının müdafiəsi, siyasi məhbus məsələsinə yenidən baxılması, Türkiyə və Makedoniyada post-monitorinq dialoqu, Rusiyada parlament seçkilərinə hazırlıq, Ukrayna və Gürcüstan tərəfindən öhdəliklərin yerinə yetirilməsi, həmçinin digər mövzularda fikir mübadiləsi aparılacaqdır.
Deputatlar tədbirlərdə çıxış edəcək, gündəlikdəki məsələlərə münasibətlərini bildirəcəklər.
Səfər noyabrın 18-də başa çatacaqdır.