Azərbaycan Respublikasının Mərkəzi Seçki Komissiyası (MSK) bəzi bələdiyyələrə keçiriləcək təkrar, əlavə və yeni seçkilərlə əlaqədar "Müşahidəçilər üçün yaddaş" kitabçası nəşr etdirmişdir.
MSK-dan bildirmişlər ki, kitabçada müşahidənin aparılmasının prinsipləri əks olunmuş, müşahidəçilərin hüquq və vəzifələri izah edilmişdir. Nəşrdə, eyni zamanda, müşahidəçilərin riayət etməli olduğu, həmçinin onlara qanunla qadağan olunan məsələlər barədə ətraflı məlumatlar verilmişdir.
Yaddaş kitabçası Seçki Məcəlləsinin və MSK-nın təsdiq etdiyi normativ xarakterli aktlar əsasında hazırlanmışdır.
"Müşahidəçilər üçün yaddaş" kitabçası MSK-nın maarifləndirmə proqramına uyğun olaraq nəşr edilmişdir.

AzərTAc