Azərbaycan Avropa Gənclər Parlamentinə (AGP) tamhüquqlu üzv qəbul edilmişdir.
AGP-nin Azərbaycan nümayəndəliyindən bildirmişlər ki, bu barədə qərar təşkilatın noyabrın 11-13-də Berlində keçirilən iclasında qəbul olunmuşdur.
Hazırda AGP Avropada siyasi debatlar, mədəniyyətlə bağlı görüşlər təşkil edən və ideyalar mübadiləsinə xidmət edən ən geniş platformadır. Təşkilatın məqsədi Avropanın üzləşdiyi problemlərlə bağlı məsələlərə diqqəti artırmaq, mədəniyyətlərarası dialoqun, beynəlxalq anlaşmanın, fikir və təcrübə müxtəlifliyinin təbliği, avropalı gənclərin bacarıqlarının inkişafı üçün forumun təşkil edilməsinə yardım etməkdir.
Azərbaycanın Avropa Gənclər Parlamentinə tamhüquqlu üzv qəbul edilməsi gənclərimizin qeyd olunan imkanlardan yararlanmaları üçün geniş imkan yaradacaqdır.