Əmək və Əhalinin Sosial Müdafiəsi Nazirliyi tərəfindən vətəndaş müraciətlərinin yerində və onların şəxsən iştirakı ilə araşdırılması davam etdirilir. 
AzərTAc xəbər verir ki, noyabrın 12-də əmək və əhalinin sosial müdafiəsi naziri Füzuli Ələkbərov daha bir qrup vətəndaşla görüşərək, onların müraciətlərini dinləmişdir.
Nazirlikdə keçirilən görüşdə vətəndaşların şikayət ərizələrində qaldırılan məsələlər yerində və qanunvericiliyin tələblərinə uyğun tərzdə araşdırılmış, əsassız şikayətlərlə yanaşı, haqlı narazılıq yaradan hallara yol verildiyi də müəyyən edilmişdir.
Hər bir müraciətin qanunvericiliyin tələblərinə uyğun və ədalətli həlli ilə əlaqədar müvafiq strukturlara göstəriş verən nazir vətəndaşlarda haqlı narazılıq yaradan hallara yol vermiş qurumların və əməkdaşların fəaliyyətinin ciddi şəkildə araşdırılması və aşkar edilən hər hansı hüquq pozuntusu ilə bağlı qanunauyğun tədbirlər görülməsi üçün tapşırıq vermişdir. Tapşırığın icrası ilə əlaqədar yaxın günlərdən etibarən araşdırmalara başlanacaqdır.