"Respublikanın qazla təchizatında heç bir problem yoxdur. Hətta bundan iki dəfə artıq qaza ehtiyacı da ödəyə bilərik. Bayram günlərində yalnız 20-ci sahədə texniki qüsurlar var idi. O da tez bir zamanda aradan qaldırıldı".
Bu sözləri ARDNŞ-in prezidenti Rövnəq Abdullayev jurnalistlərə müsahibəsində demişdir.
Bu il qışa hazırlıqla əlaqədar rekord göstəricinin qeydə alındığını bildirən R.Abdullayev qaz anbarlarına 3 milyard 300 milyon kubmetr qaz ehtiyatı toplandığını diqqətə çatdırmışdır.
O demişdir ki, qış mövsümünə hazırlığımız 100 faiz səviyyəsindədir. "Azəriqaz" İstehsalat Birliyi gücləndirilmiş iş rejimində işləyir. Nə qədər güclü soyuq olsa da istehlakçıların qazla təminatı üçün bizim ehtiyatımız kifayət qədərdir.

AzərTAc