Dövlət Sosial Müdafiə Fondu (DSMF) Kür və Araz çaylarının daşmasından zərər çəkmiş rayonlar - Sabirabad, Şirvan, Zərdab, İmişli, Neftçala, Saatlı, Salyan, Kürdəmir, Hacıqabul üzrə may ayı üçün əmək pensiyalarının maliyyələşdirilməsini təmin etmişdir.
Baş vermiş təbii fəlakət nəticəsində yaşayış yerini itirmiş ailələrə pensiyaların çatdırılması xüsusi nəzarətə götürülmüşdür. Belə ki, DSMF-nin qeyd olunan rayonlar üzrə şöbələri bu istiqamətdə müvafiq işləri həyata keçirmək və prosesi sürətləndirmək üçün tədbirlərin icrasına başlamışlar.
Öz evlərindən müvəqqəti məskunlaşma yerlərinə köçürülmüş insanlara əmək pensiyalarının təcili çatdırılması üçün pos-terminallar və digər vasitələrdən istifadə olunur. Eləcə də pensiyaçılarla daimi təmasda olmaq, onlara mənəvi-psixolojı yardım etmək, müraciətlərinə operativ baxılması məqsədi ilə yerlərdə xüsusi işçi qruplar təşkil olunmuşdur.
AzərTAc