Su basmış ərazilərdə müvəqqəti məskunlaşmış məcburi köçkünlər də təhlükəsiz ərazilərə köçürülmüşlər. Daşqın zonalarındakı bütün məcburi köçkünlərə lazımi yardım göstərilmişdir.
Bunu jurnalistlərə Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov bildirmişdir. "Saatlı və Sabirabad rayonlarından 300-ə yaxın məcburi köçkün başqa yerə köçürülmüş, onların hamısı yaxınlıqdakı rayonlarda yaşayan qohumlarının və yaxınlarının yanına köçürülmələrini xahiş etmişlər. Biz də onların köçürülməsi üçün lazımi şərait yaratdıq", - deyə Baş nazirin müavini vurğulamışdır.
AzərTAc