APA-nın xəbərinə görə, ekologiya və təbii sərvətlər naziri Hüseyn Bağırov bildirmişdir ki, yeni zoopark Ceyranbatan qəsəbəsi ərazisində inşa olunacaq. 
Yerin dəyişməsi ilə bağlı ictimaiyyətin təklifləri də nəzərə alınmışdır: "Qobuda başqa layihələr həyata keçirilməlidir. Ona görə də yerlə bağlı qərarı dəyişdik. Zoopark üçün münasib yer seçmişik. Burada insanların canlı təbiətlə tanış olmalarına daha geniş imkan var. Digər tərəfdən, zoopark tikiləcək yerdə tullantıların axıntısı olmamalı, yeni texnologiyalardan istifadə üçün geniş imkan yaradılmalıdır. Biz belə bir yer müəyyənləşdirmişik və yerin ayrılması üçün müraciət etmişik".
Zooparkın tikintisi üçün layihənin artıq hazır olduğunu deyən nazir onu da qeyd edib ki, qərar qəbul olunan kimi tikinti işlərinə başlanacaq.