Ekologiya və Təbii Sərvətlər Nazirliyi Milli Hidrometeorologiya Departamentindən aldığımız məlumata görə, payız fəslinin son ayı olan noyabrda havanın orta aylıq temperaturunun iqlim normasına yaxın olacağı gözlənilir. Yağıntıların respublika ərazisində qeyri-bərabər paylanması gözlənilir.
Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı ehtimal olunur.
Sinoptiklərin verdikləri proqnoza əsasən, noyabr ayında Bakıda və Abşeron yarımadasında havanın orta aylıq temperaturunun 10-13 dərəcə isti olacağı gözlənilir ki, bu da iqlim normasına yaxındır. Gecələr 4-9 dərəcə isti təşkil edəcək. Gündüzlər 12-17 dərəcə isti olacağı, ayrı-ayrı günlərdə 20 dərəcəyədək yüksələcəyi, ayın sonunda 7-12 dərəcəyədək enəcəyi gözlənilir.
Aylıq yağıntının miqdarının iqlim normasına yaxın, bəzi yerlərdə ( norma 18-28 mm) normadan bir qədər çox olacağı gözlənilir.

Qəzənfər QASIMOV, "Xalq qəzeti"