Azərbaycanın vergilər naziri Fazil Məmmədov Rusiya Federasiyasının daxili işlər nazirinin müavini, general-leytenant İqor Alyoşin və Ukrayna Respublikasının Dövlət Vergi Xidməti sədrinin 1-ci müavini, general-leytenant Andrey Qolovaç ilə görüşmüşdür. 
F.Məmmədov ölkəmizdə sosial-iqtisadi sahələrdə, o cümlədən, vergi sistemində son dövrlərdə həyata keçirilən islahatlar barədə məlumat vermiş və vergi hüquqpozmalarına qarşı mübarizə sahəsində əldə olunan nailiyyətlərdən danışmışdır.
Görüşdə Rusiya Federasiyası və Ukrayna ilə bu sahədə ikitərəfli əməkdaşlığın genişləndirilməsi, iqtisadi cinayətkarlıqla mübarizə, birgə əməliyyat-axtarış fəaliyyətlərinin həyata keçirilməsi ilə bağlı qarşılıqlı maraq doğuran bir sıra məsələlər ətrafında fikir mübadiləsi aparılmışdır.