Azərbaycan Milli Elmlər Akademiyasının (AMEA) Botanika İnstitutunda "Faydalı bitkilərdən istifadənin aktual problemləri" mövzusunda beynəlxalq konfrans oktyabrın 28-də işini yekunlaşdırmışdır. 
Konfransda 10-dan çox ölkədən 20-yə yaxın alim, AMEA-nın elmi-tədqiqat institutlarının, universitetlərin, dərman bitkiləri və ya birbaşa bitki mənşəli preparatlarla müalicə aparan klinikaların, eləcə də qida məhsulları hazırlayan şirkətlərin nümayəndələri iştirak etmişlər.
İki gün ərzində konfrans çərçivəsində təşkil edilmiş seksiyalarda Azərbaycan, Türkiyə, Portuqaliya, Norveç, Ukrayna, Rusiya, Gürcüstan və digər ölkələrdən gəlmiş alimlər seçilmiş mövzular ətrafında məruzələrlə çıxış etmişlər.
Məruzələrdə bir daha vurğulanmışdır ki, təbii sərvətlər içərisində faydalı bitkilərin resursları xüsusi yer tutur. Bioresursların tərkib hissəsi kimi bitkilər aləmi insanların ehtiyaclarının əsasını təmin edən ümumxalq sərvətidir.

AzərTAc