"İndi Azərbaycan BMT-nin Təhlükəsizlik Şurasının qeyri-daimi üzvüdür. Düşünürük ki, Azərbaycan BMT-nin qeyri-daimi Təhlükəsizlik Şurasında təkcə özünü deyil, Türkiyə və digər türkdilli dövlətləri də təmsil edəcək". APA-nın məlumatına görə, bu fikri jurnalistlərə açıqlamasında Türkiyə Nazirlər Kabinetinin Mətbuat və İnformasiya İdarəsinin müdiri Murat Karakaya demişdir.
M. Karakaya Türkiyənin bir sıra KİV-nin Azərbaycanın işğal olunmuş ərazilərində tez-tez atəşkəsin pozulması ilə bağlı xəbərlərin Azərbaycan mətbuatına deyil, erməni mətbuatına istinad etməsinə də münasibət açıqlayıb. O bildirib ki, buna yalnız bəzi Türkiyə KİV-də rast gəlmək olar: "Amma Türkiyə dövləti, Türkiyə xalqı və mediası olaraq Qarabağ məsələsində həmişə Azərbaycanın yanındayıq. Bunu bizim ölkə rəhbərlərimiz də həmişə deyib".