Ermənistan Politoloqlar İttifaqının sədri Amayak Ovanisyan bildirib ki, Azərbaycanın BMT-nin Təhlükəsizlik Şurasının qeyri-daimi üzvü seçilməsi erməni diplomatiyasının bağışlanılmaz uğursuzluğu, Ermənistan XİN-nin iflasıdır.
APA-nın yerkir.am saytına istinadən verdiyi xəbərə görə, o deyib ki, Ermənistan XİN Azərbaycanın seçilməsinin qarşısını almaq üçün əlindən gələni etməli idi.
Ovanisyan demişdir: "Həlledici olan növbəti iki il ərzində bu səhvin acı nəticələrinin şahidi olacağıq".
Politoloq bu uğursuzluğun məsuliyyətini şəxsən Ermənistan XİN-nin başçısı Edvard Nalbandyanın daşımalı olduğunu vurğulamışdır: "O, istefa verməlidir".