Ölkəmizin BMT Təhlükəsizlik Şurasına (TŞ) müvəqqəti üzv seçilməsi Ermənistanda böyük narahatlığa səbəb olub.
"Armenia Today" saytına istinadən verilən məlumata görə, Ermənistan mətbuatında Azərbaycanın BMT TŞ-yə üzvlüyünün Dağlıq Qarabağ münaqişəsinin həllinə necə təsir göstərəcəyi müzakirə edilməkdədir. Ermənistanın parlamentinin müstəqil deputatlarından olan Vardan Xaçatıryan ölkəmizin BMT TŞ-yə üzv olduqdan sonra Ermənistanın təcavüzkar, işğalçı bir dövlət olmasını BMT-də müzakirəyə çıxaracağından ehtiyat edir: "Azərbaycan BMT TŞ-də Ermənistanın təcavüzkar bir dövlət olduğunu müzakirəyə çıxara bilər. Bu amil bizim üçün ağrıdıcı fakt olacaq".