Azərbaycan Avropa, o cümlədən Cənub-şərqi Avropa dövlətləri üçün çox vacib ölkədir.
Bu fikri Yunanıstanın DEPA qaz korporasiyası idarə heyətinin sədri Harri Saçinis bildirmişdir.
"Cənub-Şərqi Avropa ölkələri özlərinin qaz təminatının 89 faizini yalnız bir mənbədən təmin edir. Bu baxımdan Azərbaycanın qazın nəqlində şaxələndirməyə üstünlük verməsi, həmçinin Avropa dövlətlərinin də təbii qazı müxtəlif mənbələrdən almaq istəyi bu ölkəni Avropa üçün daha vacib tərəfdaşa çevirir.
Azərbaycan qazını 2013-2014-cü ildən başlayaraq İTGİ (İnterkonnektor Türkiyə-Yunanıstan-İtaliya) qaz kəməri vasitəsilə Cənub-Şərqi Avropa ölkələrinə çatdırmağın mümkün olduğunu deyən H.Saçinis bildirmişdir ki, gələcəkdə "Şahdəniz 2" layihəsi çərçivəsində hasil olunacaq qazın İtaliyadan keçməklə digər Avropa dövlətlərinə də nəqli mümkündür.