Azərbaycan Respublikası Dövlət Miqrasiya Xidmətinin rəisi, II dərəcəli dövlət miqrasiya xidməti müşaviri Arzu Rəhimovun rəhbərlik etdiyi nümayəndə heyəti Almaniya Federativ Respublikasında, Niderland və Belçika Krallıqlarında rəsmi səfərdə olmuşdur. 
Səfər çərçivəsində Almaniya, Niderland və Belçikanın müvafiq qurumlarında bir sıra görüşlər keçirilmişdir.
Dövlət Miqrasiya Xidmətindən AzərTAc-a bildirmişlər ki, görüşlərdə Azərbaycan nümayəndə heyətinin bu səfəri miqrasiya sahəsində dövlətlərarası münasibətlərin daha da inkişaf etdirilməsi istiqamətində atılan mühüm addım kimi qiymətləndirilmişdir. Azərbaycan və Avropa İttifaqı arasında miqrasiya sahəsində əməkdaşlıq məsələləri də diqqət mərkəzində olmuşdur.