Mərkəzi Bankın sədri Elman Rüstəmov Beynəlxalq Valyuta Fondunun (BVF) Azərbaycan üzrə missiyasının rəhbəri Nadim İlahinin rəhbərlik etdiyi nümayəndə heyəti ilə görüşmüşdür. 
E.Rüstəmov ölkədə hazırkı makroiqtisadi vəziyyət, 2012-ci il üçün pul və məzənnə siyasəti, maliyyə sabitliyinin gücləndirilməsi istiqamətində görülmüş tədbirlər barədə ətraflı məlumat vermişdir.
Görüşdə, dünyada gedən son iqtisadi proseslər və onların Azərbaycana potensial təsiri, adekvat siyasət reaksiyası barədə məsələlər də müzakirə edilmişdir.
BVF-nin Azərbaycan üzrə missiyasının rəhbəri Nadim İlahi 2011-ci ildə ölkəmizdə müşahidə olunan iqtisadi artım, makroiqtisadi və maliyyə sabitliyini müsbət qiymətləndirmişdir. O, bu nəticələrə nail olunmasında Mərkəzi Bankın yürütdüyü pul və məzənnə siyasətinin rolunu qeyd etmişdir.