Ermənistan-Azərbaycan, Dağlıq Qarabağ münaqişəsinin həlli ilə bağlı aparılan danışıqlarda açıq qalan məsələlər üzərində işi sürətləndirmək vacibdir.
Bu sözləri Azərbaycanın xarici işlər naziri Elmar Məmmədyarov oktyabrın 19-da jurnalistlərə müsahibəsində demişdir.
Nazirin sözlərinə görə, bu məsələ ATƏT-in Minsk qrupunun həmsədrlərinin gələn həftə regiona səfəri zamanı müzakirə ediləcəkdir.
E.Məmmədyarov vurğulamışdır ki, Minsk qrupunun həmsədr ölkələri və Azərbaycan problemlə bağlı indiyədək açıq qalan məsələlər üzərində işin davam etdirilməsi niyyətindədir.
Nazir, həmçinin Azərbaycan tərəfinin bu məsələlər müzakirə edilərkən birbaşa "Böyük sülh sazişi" üzərində işi başlamağa hazır olduğunu dəfələrlə bəyan etdiyini bildirmişdir.

AzərTAc