Oktyabrın 17-də Azərbaycanın xarici işlər naziri Elmar Məmmədyarov ölkəmizdə səfərdə olan ABŞ-ın Alman Marşal Fondunun nümayəndə heyəti ilə görüşmüşdür.
Xarici İşlər Nazirliyinin mətbuat xidmətindən bildirmişlər ki, görüşdə E.Məmmədyarov Azərbaycanın regionda yeri və rolu, Avropa institutlarına inteqrasiya istiqamətindəki addımlar, NATO və Avropa İttifaqı ilə əməkdaşlıq, ölkəmizdə aparılan iqtisadi islahatlar, təhsil sahəsində görülən işlər və bölgədə həyata keçirilən enerji layihələri barədə qonaqlara ətraflı məlumat vermişdir.
Bundan əlavə, E.Məmmədyarov Ermənistan-Azərbaycan, Dağlıq Qarabağ münaqişəsinin sülh yolu ilə həlli istiqamətində aparılan danışıqlardan danışmış, məsələ ilə bağlı qonaqların suallarını cavablandırmışdır.

AzərTAc