Azərbaycan Respublikası Konstitusiya Məhkəməsi Palatasının iclasları keçirilmişdir. 
Konstitusiya Məhkəməsinin mətbuat xidmətindən bildirmişlər ki, iclaslarda Azərbaycan Respublikası Konstitusiyasının 130-cu maddəsinin V hissəsinə və "Konstitusiya Məhkəməsi haqqında" Qanunun 7.1-ci maddəsinə əsasən, vətəndaş Nizam Qəzənfər oğlu Babayevin, həmçinin digər iş üzrə vətəndaş Vüqar Bağman oğlu Əliyevin şikayətlərinə baxılaraq icraata qəbul edilməsi haqqında qərardadlar çıxarılmışdır.
Şikayətlərə mahiyyəti üzrə, tərəflərin iştirakı ilə Konstitusiya Məhkəməsi Plenumunun müvafiq olaraq noyabrın 4-nə və noyabrın 10-na təyin edilmiş iclaslarında baxılacaqdır.

AzərTAc