Bakı Beynəlxalq Humanitar Forumu dünyanın bir çox ölkələrinin alim, filosof və pedaqoqlarını özündə birləşdirir. Bu Forum onların arasında qarşılıqlı münasibət və əlaqələrin genişlənməsinə, möhkəmlənməsinə xidmət edir.
Bu sözləri Bakı Beynəlxalq Humanitar Forumunda iştirak edən M.V.Lomonosov adına Moskva Dövlət Universitetinin prorektoru Nikolay Syomin demişdir.
Belə bir forumun Azərbaycanda keçirilməsinin əhəmiyyətindən danışan rusiyalı qonaq ölkəmizlə Rusiya arasındakı dostluq əlaqələrindən danışmışdır. N.Syomin Azərbaycana səfərləri barədə də məlumat verərək demişdir: "Bakıya hər səfərimdə yeniliklə qarşılaşıram. Şəhərinizin gözəlliyi məni valeh edir. Burada salınan yollar, yeni tikilən arxitektura binaları Azərbaycanın iqtisadi cəhətdən inkişafının bariz nümunəsidir".

AzərTAc