Azərbaycanın sürətli inkişafı məndə böyük təəssürat yaratmışdır.
Bu sözləri Bakıda keçirilən Beynəlxalq Humanitar Forumunda iştirak edən MDB İcraiyyə Komitəsinin analitik informasiya departamentinin direktoru Aleksandr Zavarzin demişdir.
Azərbaycana ilk dəfə gəldiyini bildirən A.Zavarzin ölkəmizdə böyük inkişafın şahidi olduğunu demişdir. O bildirmişdir ki, qısa bir vaxtda həm bu ölkə, həm də Azərbaycan vətəndaşları məndə böyük təəssürat yaratmışdır.
A.Zavarzin Beynəlxalq Humanitar Forumda Azərbaycan Prezidenti İlham Əliyevin nitqini yüksək qiymətləndirmişdir. Qonaq qeyd etmişdir ki, Azərbaycan Prezidentinin bu nitqi Forumun miqyasının gələcəkdə daha da genişlənməsinə səbəb olacaqdır. Bu nitq həm də dünya ölkələrinin bir araya gəlməsi üçün tarixi bir mesajdır.