Bakı dünyanın ən gözəl şəhərlərindən biridir.

Bu sözləri Bakıda keçirilən Beynəlxalq Humanitar Forumunda iştirak edən Türkiyə Böyük Millət Məclisinin deputatı, tarixçi alim Yusuf Xəlləcoğlu demişdir.
Azərbaycana hər səfərində daha böyük bir irəliləyiş və inkişafla qarşılaşdığını deyən türkiyəli qonaq bildirmişdir ki, ölkəmiz siyasi və iqtisadi baxımdan dünyanın inkişaf etmiş ölkələri sırasındadır.
Bakı Humanitar Forumunun əhəmiyyətindən danışan türkiyəli deputat, belə tədbirlərin bu gün çox vacib olduğunu diqqətə çatdırmışdır. Bildirmişdir ki, Beynəlxalq Forumun Bakıda keçirilməsi Azərbaycanın humanitar sahədə əlaqələrinin daha da genişlənməsinə və inkişaf etməsinə öz töhfəsini verəcəkdir.