Azərbaycanda dövlət qulluqçularının reyestrinə 17 mindən artıq dövlət qulluqçusu haqqında məlumatlar daxil edilmişdir.
Bu sözləri Azərbaycan Respublikasının Prezidenti yanında Dövlət Qulluğu Məsələləri üzrə Komissiyanın sədri Bəhram Xəlilov demişdir.
B.Xəlilov bildirmişdir ki, 430 dövlət qulluqçusunun yaşı 65 və ondan yuxarıdır. Bu dövlət qulluqçularının bəzilərinin dövlət qulluğuna xitam verilmişdir. Bəzilərinin isə dövlət qulluğunun müddəti uzadılmışdır. Hazırda bu işin davam etdirildiyini bildirən B.Xəlilov vurğulamışdır ki, qanunvericiliyə uyğun olaraq vakant dövlət qulluğu vəzifəsinə Komissiyadan kənar müddətli əmək müqaviləsi əsasında işçi götürülməsi mümkündür. Lakin bu vəzifələr mütləq Komissiyaya təqdim edilməli və müsahibəyə çıxarılmalıdır.
B.Xəlilov vurğulamışdır ki, həmin əmək müqaviləsi yalnız üç ay müddətinə bağlana bilər. Bu müddət bitəndən sonra vakansiyalar dərhal Komissiyaya təqdim edilməlidir.

AzərTAc