"Ermənilərin "erməni soyqırımı"nın tanınması ilə bağlı Avropa ölkələri parlamentlərinə cəhdi absurddur və bu, heç vaxt Almaniya parlamentində müzakirəyə belə çıxarıla bilməz".
"Azadinform" xəbər verir ki, bunları jurnalistlərə açıqlamasında Azərbaycanda səfərdə olan Almaniya Parlamentinin hakim partiyadan olan üzvü Ştefen Lemme bildirmişdir. O, qeyd etmişdir ki, çox yaxşı olardı ki, ermənilər və digər bu kimi problemləri olan ölkələr problemləri daha mütərəqqi yollarla həll etsinlər: "Əks halda hansısa sübut olunmamış hadisələri müasir dövrdə soyqırımı kimi tanıtmaq cəhdi yersizdir. Ona görə də mən heç vaxt inanmıram ki, "erməni soyqırımı" hansısa Avropa ölkəsində nə indi, nə də gələcəkdə tanınsın. Bu, mümkün deyil".