Avropa Birliyi 2014-cü ilədək "Şərq Tərəfdaşlığı" proqramı çərçivəsində layihələrin reallaşmasına əlavə olaraq 150 milyon avro vəsait ayırmışdır.
APA-nın məlumatına görə, Polşanın xarici işlər naziri Radoslav Sikorski bildirib ki, 2014-cü ilədək proqram çərçivəsində layihələrin reallaşması üçün 2 milyard avro vəsait sərf olunacaq. Bu vəsaitin 1,2 milyardı proqramda iştirak edən ölkələrlə ikitərəfli əməkdaşlığa, 600 milyonu isə "Şərq Tərəfdaşlığı" proqramının üzvü olan altı ölkə arasında çoxtərəfli əməkdaşlığa sərf olunacaq.
Avropa Birliyi həmçinin 2014-2020-ci illər üçün nəzərdə tutulan büdcədə "Şərq Tərəfdaşlığı" proqramına ayrılacaq vəsaiti artırmağa da hazırdır. Xatırladaq ki, "Şərq Tərəfdaşlığı" proqramında Azərbaycan, Gürcüstan, Ermənistan, Ukrayna, Moldova və Belarus iştirak edir.