Oktyabrın 4-də Azərbaycan Respublikasının Prezidenti yanında Dövlət Qulluğu Məsələləri üzrə Komissiya (DQMK) tərəfindən dövlət orqanlarında vakant dövlət qulluğu vəzifələrinin tutulması üçün müsabiqə və ümumi müsahibə elan etmişdir.
Komissiyadan bildirmişlər ki, 73 dövlət orqanındakı 363 vakant vəzifənin tutulması üçün elan olunmuş müsabiqəyə sənəd qəbulu noyabrın 3-də başa çatacaqdır.
Müsabiqəyə Tələbə Qəbulu üzrə Dövlət Komissiyası, Əmək və Əhalinin Sosial Müdafiəsi, Səhiyyə, Gənclər və İdman, Rabitə və İnformasiya Texnologiyaları, Maliyyə, Kənd Təsərrüfatı nazirlikləri, Dövlət Statistika Komitəsi, şəhər-rayon, inzibati-iqtisadi, apelyasiya məhkəmələri və digər qurumlardakı vakant vəzifələr çıxarılmışdır.
Eyni zamanda, DQMK tərəfindən 10 dövlət orqanındakı 78 vakant, 3 məhkəmədə isə 3 vakant vəzifənin tutulması üçün ümumi müsahibə elan olunmuşdur. Müsahibəyə sənəd qəbulu oktyabrın 24-dək davam edəcəkdir.

AzərTAc