Avropa Şurasının Bakı ofisindən bildirmişlər ki, mayın 24-dən 25-dək paytaxtda Azərbaycan hökuməti və Avropa Şurasının birgə təşkilatçılığı ilə "Gender bərabərliyi" mövzusunda konfrans keçiriləcəkdir.
Avropa Şurasının üzvü olan ölkələr bir sıra xüsusi qanun və normalar qəbul etməklə qadın və kişilər arasında bərabərliyi inkişaf etdirmək üçün mühüm irəliləyişə nail olmuşlar. Bununla belə, faktlar qanunla təcrübə arasında hələ də boşluğun olduğunu göstərir. Avropa ölkələri parlamentlərindəki deputatların yalnız 21 faizini qadınlar təşkil edir, bundan əlavə onların maaşları arasında da mühüm fərq mövcuddur.
Konfrans iştirakçıları təhsildə və KİV-lərdə gender stereotiplərinə qarşı mübarizə yollarını da müzakirə edəcəklər.
Nazirlər Avropa Şurasının bu sahədə qətnamə qəbul etməsi perspektivini araşdıracaq, habelə gələcək fəaliyyətini müəyyənləşdirəcək tədbirlər planını hazırlayacaqlar.
AzərTAc{nl}