Kənd təsərrüfatı naziri İsmət Abasov bildirmişdir ki, qərargah Şirvan Baytarlıq İdarəsində yerləşəcəkdir.
Nazir bildirmişdir ki, qərargahı yaratmaqda məqsəd təbii fəlakətdən ziyan çəkmiş insanlara yardımlar etmək, baytarlıq və bitkiçilik sahələrində görüləcək işləri həyata keçirməkdir.
Prezident İlham Əliyevin tapşırığına əsasən bütün işlər görülür və hər bir vətəndaş ona dəymiş ziyanın əvəzini alacaqdır.
Müəyyən əkin sahələri su altında qalmış, mal-qara, quşlar tələf olmuşdur. Müvafiq qurumlarla birlikdə araşdırmalar aparıldıqdan sonra ziyan müəyyənləşdiriləcək, insanlara dəymiş ziyan ödənəcəkdir.
AzərTAc