Sentyabrın 28-də Azərbaycanın fövqəladə hallar naziri, general-polkovnik Kəmaləddin Heydərov Belçika Krallığının ölkəmizdəki səfiri Luc Truyens ilə görüşmüşdür. 
Nazirliyin mətbuat xidmətindən bildirmişlər ki, görüşdə K.Heydərov FHN və onun strukturları tərəfindən həyata keçirilən və nəzərdə tutulmuş layihələr barədə məlumat vermişdir. Bildirilmişdir ki, görülən işlərin beynəlxalq normalar səviyyəsində olması üçün nüfuzlu beynəlxalq və regional təşkilatlar, xarici dövlətlərin müvafiq qurumları ilə əlaqələr inkişaf etdirilir, təcrübə mübadiləsi aparılır.
Səfir hər iki dövlətin müvafiq qurumları arasında, həmçinin beynəlxalq təşkilatlar çərçivəsində əməkdaşlığın dərinləşməsi üçün birgə səylər göstərəcəyini vurğulamışdır.