Azərbaycan ilə Hindistan arasında siyasi, iqtisadi və mədəni cəhətdən yaxşı əlaqələr qurulmuşdur. Hazırda burada bizim çoxlu sayda tələbələrimiz təhsil alır.
Bu gün Hindistanda Azərbaycanı yaxşı tanıyırlar. Bütün bunlar qurulmuş düzgün siyasətin nəticəsidir. Biz sizin ölkənizin inkişafı, tərəqqisi naminə atılan addımları çox yaxından izləyirik. İyirmi il ərzində Azərbaycanda baş verən mühüm dəyişikliklər insanı heyran qoyur.
Bu sözləri Azərbaycanın dövlət müstəqilliyinin bərpa edilməsinin iyirminci ildönümü ilə bağlı Bakıda keçirilən beynəlxalq bayram tədbirində iştirak edən Hindistan parlamentinin deputatı Jesudas Seelam demişdir.
Qonaq vurğulamışdır ki, zəngin təbii ehtiyatları və istedadlı insanları olan Azərbaycanın inkişafı hələ qarşıdadır. 20 il heç də böyük tarix deyil. Bu illər ərzində baş verən müsbət dəyişikliklər bir daha göstərir ki, sizi qarşıda uğurlu bir gələcək gözləyir.

AzərTAc