Azərbaycan Respublikasının dövlət müstəqilliyinin bərpasının 20-ci ildönümü ilə əlaqədar "Müstəqil Azərbaycan 20 il ərzində" kitabı işıq üzü görmüşdür.
Azərbaycan, rus və ingilis dillərində nəşr edilən kitabda ölkə iqtisadiyyatının 20 il ərzindəki inkişaf dinamikası cədvəl və diaqramlar vasitəsilə şərh olunmuşdur. Kitabın müəllifləri coğrafiya elmləri doktoru, professor Çingiz İsmayılov və iqtisad elmləri üzrə fəlsəfə doktoru Vurğun Süleymanovdur.
Kitabda Azərbaycanda ötən dövr ərzində ümumdaxili məhsulun, əsas kapitala yönəldilmiş sərmayələrin həcmi, inflyasiyanın, xarici və daxili investisiyaların dinamikası, Dövlət Neft Fondu vəsaitlərinin, neft və qaz hasilatı və bir sıra digər göstəricilər öz əksini tapmışdır.
Nəfis tərtibatla çap edilmiş kitab mütəxəssislər, politoloqlar, jurnalistlər, tələbələr - bir sözlə, geniş oxucu kütləsi üçün nəzərdə tutulmuşdur.

AzərTAc