Yeni bina Tehranın Dərus yaşayış massivində yerləşir. Dördmərtəbəli bina 3 min kvadratmetrə yaxın sahəni əhatə edir. Təxminən bir hektarlıq həyət nadir bəzək ağacları və kolları ilə bəzədilmişdir. Binanın önündə Azərbaycan Respublikasının dövlət bayrağı və gerbi asılmış, ən böyük salonda isə ümummilli lider Heydər Əliyevin büstü qoyulmuşdur. İşçilərin rahat və səmərəli fəaliyyəti üçün bütün şərait yaradılmış, iş otaqları texniki avadanlıqla təmin edilmişdir. 
Yeni binada Azərbaycanın İrandakı hərbi attaşe aparatı və Azərbaycan Dövlət Teleqraf Agentliyinin (AzərTAc) İran nümayəndəliyi üçün də iş otaqları ayrılmışdır.
Səfirliyin ünvanı: Tehran şəhəri, Dərus, Şəhrzad bulvarı, Rastovan xiyabanı, 16.
Telefon: (0098-21) 22 56 31 46; 22 56 31 47; 22 55 42 55; 22 55 95 53.
Faks: (0098-21) 22 55 81 83.
E-mail:[email protected].
Sabir ŞAHTAXTI, AzərTAc-ın xüsusi müxbiri
Tehran