Sürətlə inkişaf edən Azərbaycanın gözəl gələcəyi vardır. Bu sözləri Bakıda Azərbaycanın dövlət müstəqilliyinin bərpasının iyirminci ildönümünə həsr olunmuş Beynəlxalq bayram tədbirində iştirak edən İspaniya Parlamentinin deputatı Perrall Villar demişdir.
İspaniyalı qonaq vurğulamışdır ki, Azərbaycan həqiqətən böyük sürətlə inkişaf edir. Bir çox Avropa ölkələri iqtisadi böhranla üzləşdiyi halda, Azərbaycan bu problemdən əziyyət çəkmir. Bu, çox böyük nailiyyətdir.
Azərbaycanın bütün istiqamətlərdə, o cümlədən demokratiya, sosial, iqtisadi sahələrdə yüksək templə inkişaf etdiyini qeyd edən P.Villar bildirmişdir ki, ölkəmiz Avropanın önəmli tərəfdaşlarından biridir və Bakıda keçirilmiş beynəlxalq tədbir əlaqələrin genişləndirilməsində mühüm rol oynayacaqdır.

AzərTAc