Bakıda gördüyüm sürətli inkişaf məni çox sevindirir. Müasirliklə qədimliyi özündə birləşdirən bu şəhərin ürəkləri sehirləyən gözəlliyinə valeh olmuşam. Bakı gündən-günə gözəlləşir. Azərbaycana səfərim məndə böyük təəssürat yaratmışdır.  
Bu sözləri Bakıda Azərbaycan dövlət müstəqilliyinin bərpasının iyirminci ildönümünə həsr olunmuş beynəlxalq bayram tədbirində iştirak edən Belçika-Azərbaycan əlaqə bürosunun sədri Yos Geerts demişdir.
Tədbirin yüksək səviyyədə təşkil edildiyini bildirən qonaq vurğulamışdır ki, Azərbaycan Prezidenti İlham Əliyevin beynəlxalq tədbirdə nitqi məni heyran etmişdir.
Ermənistan-Azərbaycan, Dağlıq Qarabağ münaqişəsinə toxunan Y.Geerts qeyd etmişdir ki, bu məsələ Azərbaycanın ərazi bütövlüyü çərçivəsində həll edilməlidir.
Qonaq onu da vurğulamışdır ki, Azərbaycanda ekologiya sahəsinin inkişafı ilə bağlı mühüm işlər görülür. Belçika ekologiya sahəsində Azərbaycan ilə əməkdaşlıqda maraqlıdır.