Ermənistan silahlı qüvvələrinin bölmələri sentyabrın 15-də saat 20.50-dən 21.25-dək Ermənistanın Berd rayonunun ərazisindəki adsız yüksəkliklərdə yerləşən mövqelərdən Azərbaycan Respublikası Silahlı Qüvvələrinin Tovuz rayonunun Qaralar kəndində yerləşən mövqelərini atəşə tutmuşlar.
Müdafiə Nazirliyinin mətbuat xidmətindən bildirmişlər ki, erməni silahlı birləşmələri atəşkəsi cəbhənin digər istiqamətlərində də pozmuşlar. Ermənilər sentyabrın 15-də saat 10.50-dən 11.05-dək, 11.00-dan 11.10-dək, eləcə də 22.50-dən 22.54-dək Füzuli rayonunun Horadiz və Qorqan kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Düşmən cavab atəşi ilə susdurulmuşdur.

AzərTAc