Bunu Dünya Səhiyyə Təşkilatının Avropa Regional Komitəsinin informasiya departamentinin direktoru Kladia Ştayn jurnalistlərə açıqlamasında demişdir.
Qonaq vurğulamışdır ki, Dünya Səhiyyə Təşkilatının Avropa Regional Komitəsinin 61-ci sessiyası çox əhəmiyyətli bir tədbirdir. Bu mötəbər tədbirin Bakıda keçirilməsi Azərbaycanın səhiyyə sahəsində əldə etdiyi nailiyyətlərin nümayiş etdirilməsinə də şərait yaradır. Dünya Səhiyyə Təşkilatı Azərbaycana səhiyyə sahəsində daim dəstək verməyə hazırdır. Tədbirin üçüncü günü burada qeyri-yoluxucu xroniki xəstəliklər, HİV, QİÇS, spirtli içkilərlə bağlı problemlər, səhiyyə siyasəti konsepsiyası və digər məsələlər müzakirə olunur. Müzakirələrin nəticəsi olaraq iştirak edən ölkələr öz təkliflərini verir. Tədbirin sonunda qəbul olunmuş qərar açıqlanacaqdır.