Sentyabrın 13-də Azərbaycanın müdafiə naziri, general-polkovnik Səfər Əbiyev Pakistanın ölkəmizdə yeni təyin olunmuş səfiri İnayatullah Kakar ilə görüşmüşdür.  
Müdafiə Nazirliyinin mətbuat xidmətindən bildirmişlər ki, S.Əbiyev səfiri yeni təyinatı münasibətlə təbrik etmişdir. Nazir demişdir ki, Azərbaycan ilə Pakistanın arasında müxtəlif sahələrdə çox sıx əlaqələr vardır və bütün sahələrdə, eləcə də hərbi sahədə əməkdaşlıq sahəsində uğurlar əldə edilmişdir.
Görüşdə regionda vəziyyət, Ermənistan-Azərbaycan, Dağlıq Qarabağ münaqişəsi barədə fikir mübadiləsi aparılmışdır.
Səfir öz dövlətinin mövqeyini ifadə edərək bildirmişdir ki, Pakistanın Azərbaycan torpaqlarını işğal etmiş Ermənistanla heç bir əlaqəsi yoxdur.

AzərTAc