Azərbaycan ilə Rusiya arasında iqtisadi və humanitar sahələrdə əlaqələr yüksək templə inkişaf edir, çünki bunun üçün böyük potensial vardır. 
Bu sözləri Bakıda səfərdə olan Rusiya Federasiyasının Həştərxan vilayətinin qubernatoru Aleksandr Jilkin demişdir.
Qubernator bildirmişdir ki, səfərin əsas məqsədi Azərbaycan ilə əməkdaşlığa dair növbəti beşillik müqavilənin imzalanmasıdır. Səfər çərçivəsində bir sıra rəsmi görüşlərin keçirilməsi nəzərdə tutulmuşdur.
Ölkəmizdə turizmin inkişafı istiqamətində görülən işləri yüksək qiymətləndirən A.Jilkin demişdir: "Azərbaycanda turizmin inkişafı istiqamətində yüksək keyfiyyətli infrastruktur layihələri reallaşdırılır. Əminliklə deyə bilərəm ki, istirahət etmək üçün xarici ölkələrə səfər edən həştərxanlılar bundan sonra Azərbaycana gələcəklər, çünki burada turistlər üçün gözəl imkan və şərait yaradılmışdır".

AzərTAc