Azərbaycanda səfərdə olan Rusiya Federasiyası Federal Məclisi Federasiya Şurası sədrinin müavini İlyas Umaxanov sentyabrın 8-də Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə ilə görüşmüşdür. 
QMİ-də keçirilmiş görüşdə iki ölkə arasında əlaqələrin uğurla inkişaf etdiyi vurğulanmış, dinlərarası münasibətlər və digər aktual məsələlər müzakirə olunmuşdur.
A.Paşazadə ölkələrimiz arasında əlaqələrin yüksək səviyyədə olduğunu məmnunluqla qeyd etmişdir.
Qonaq Azərbaycanda bir sıra görüşlər keçirdiyini, ölkəmizin uğurla inkişaf etdiyini diqqətə çatdırmış, A.Paşazadənin MDB məkanında dinlərarası əlaqələrin möhkəmləndirilməsində rolunu yüksək qiymətləndirmişdir.